آٹھ ارب 45 کروڑ روپے تک گرانٹس حاصل کرنے کا موقع۔ پاکستانی ادارے پروپوزلز جمع کرائیں۔ ایک بین الاقوامی ترقیاتی ادارے کو پاکستان میں زراعت، زرعی مصنوعات، حیاتی تنوع، ماحولیاتی تحفظ، صاف اور سبز ٹیکنالوجیز، موسمیاتی تبدیلی کے اثرات، موسمیاتی اثرات سے محفوظ تعمیرات، توانائی کی بچت، قابل تجدید توانائی، سیر و سیاحت، ہوٹل انڈسٹری، پانی کی فراہمی اور نکاسی، شہروں میں پائیدار ترقی اور دیہاتوں میں بجلی کی محفوظ فراہمی کے لیے بڑے پروجیکٹ پروپوزلز کی ضرورت ہے۔ پاکستان میں موجود مستند کاروباری ادارے، تحقیقی مراکز اور غیر سرکاری تنظیمیں گرانٹس کے لیے درخواستیں جمع کراسکتی ہیں۔